Бастын баьаатайга ойдобунньук туруорулунна

       Сүүhүнэн мөлүйүөн о5олор кыhыл хаалтыс аргыстаах о5о саастара ааспыт Бүтүн Союзтаа5ы Пионерия уонна Саха сирин Пионерията 95 сылынан уонна Музей Аан дойдутаа5ы күнүгэр нэhилиэкпитигэр «О5о сааhым аргыhа – кыыhар кыhыл хаалтыс»  диэн улахан тэрээhин ыытылынна. Кэбээйибит улууhа киэн туттар киhитэ, буойун – суруйааччы Тимофей Егорович Сметанин төрөөбүтэ 100 сылын көрсө бу сүдү киhиэхэ анаммыт мэңэ тааhы туруоран төрөөбүт – үөскээбит Сииттэбит нэhилиэгэ өссө биир ураты историята сурулунна. Бу суолталаах үлэбитигэр кыттыспыт, өйөөбүт нэhилиэкпит администрациятыгар (баь. Захаров А.С.), бырайыак авторыгар 11 кылаас үөрэнээччитигэр Антон Яковлевка дириң махтал тылларын тиэрдэбит.

        Тимофей Егорович Сметанин оло5ун кэрдиис кэмнэрин үөрэтиигэ, биhиги В.Е.Колмогоров аатынан Сииттэ орто оскуолатын үөрэнээччилэрэ уонна учууталлара  суруйааччы биhиги Сииттэбитин кытта сибээhин үөрэттибит уонна сүдү талааннаах киhибит бэрт кылгас кэмңэ да кэлэн үлэлээн барбытын, билиңңэ дылы сииттэлэр ортолоругар үтүө өйдөбүл буола сылдьар. Саха сирин Государственнай национальнай Киин архыыбыттан  улууспутугар музей ситимин салайааччы Иванова Роза Андреевна  оскуолабыт музейыгар биэрбит докумуонугар 1938 сыллаахха сайыңңы пионерскай лаа5ыр үлэлээбитин туhунан отчуот – докумуон биhиги үлэбитигэр тирэх буолар. Ити  докумуон мэңэ тааска  суруллан дьоңңо – сэргэ5э сырдатылла туруо.

        Тэрээhиммитигэр үс көлүөнэ пионердар муhуннулар. Э5эрдэ тыллары нэhилиэкпит баhылыга Захаров А.С., оскуолабыт директора Левина О.Д., кырдьа5ас пионердартан, улууспут, нэhилиэкпит ытыктанар киhитэ Захаров И.Г., прозводственнай баhаатайдартан, хаhыаппыт общественнай корреспондена Обутова М.С. эттилэр. Бу күн о5о тэрилтэтигэр көхтөөх үлэлэрин иhин үөрэнээччилэргэ уонна роботехника5а Бүтүн Россиятаа5ы конкурска кыттыбыт о5олорго  грамоталар туттарылыннылар. Мэңэ тааhы үөрүүлээх быhыыга – майгыга астылар: нэhилиэк баhылыга Захаров А.С., оскуолабыт директора Левина О.Д., пионерскай хамсааhын ветерана, ФАП сэбиэдиссэйэ Иванова М.Г., Т.Е.Сметанин аатынан пионерскай этэрээттэн 6 кылаас үөрэнээччитэ Дьяконова Ника уонна М.С.Слепцова аатынан пионерскай этэрээттэн Тима Наглы.

       Бу кэннэ быйылгы үөрэх дьылыгар сааскы каникулга улуус оскуолаларыгар бачыым көтө5өммүт 6 нэhилиэктэн 7 оскуола үөрэнээччилэрэ, учууталлара «Т.Е.Сметанин оло5ун, үлэтин  суолунан» Нам – Хаңалас – Дьокуускай хайысханан  литературнай – чинчийэр экспедиция5а кыттыбыт оскуолабыт делегацията  үлэтин сэhэргээн билиhиннэрдэ.

     Бу күн 7-8 кылаас үөрэнээччилэрин  Зеленая Россия чэрчитинэн  зеленай пионердар кэккэлэригэр ылан анда5ардарын этэн ветеран пионердар о5о саастарын санаан  долгуйдулар, о5олору ытыс тыаhынан э5эрдэлээтилэр.

   Бу кэннэ пионерскай костеру уматыыга пионерскай хамсааhын ветераннара Попов Р.И., Охлопков И.Л,. Степанов П.П. Новгородов А.В., пионерскай этэрээттэртэн Расулов Салим уонна Парников Дима кыттыыны ыллылар. Пионерскай кутаа тула Советскай Союз пионердарын гимнин бары ньиргиччи ыллаатыбыт.

    Ити кэнниттэн олус тыңааhыннаах, көрдөөх этаптардаах «Зарница» оонньуута ыытыллан ветеран пионердар, төрөппүттэр биhирэбиллэрин ылан  «Динамит» -«кыhыллар» ( командир 10 кылаас үөрэнээччитэ Винокуров Коля) кыайыы өрөгөйүн биллилэр. Түмүккэ экологическай мероприятиеларга көхтөөхтүк кыттыбыт о5олорго экология, география учуутала Сивцева А.Л., биология, химия учуутала Попова Т.И. грамоталары, сертификаттары туттартаатылар.

   Инникитин да маннык тэрээhиннэр дьону сомо5олоон буола турдуннар диэн ба5а санаалаах тар5астыбыт.

                                «Ситим» кыраайы үөрэтэр куруhуок салайааччыта Сивцева А.Л.

Пролистать наверх