Уоланнар ааҕыылара

Олунньу 22 күнүгэр буойун суруйааччы, прозаик, биир дойдулаахпыт Тимофей Егорович Сметанин хоһоонноругар “Уоланнар ааҕыылара” үрдүк таһымнаахтык ыытыллан ааста. Бу тэрээһини 6 кылаас үөрэнээччилэрэ тэрийэн ыыттылар. 18 уол ики бөлөххө арахсан күрэхтэстилэр. Түмүккэ алын сүһүөх кылаас уолаттарыгар 2-с кылаас үөрэнээччитэ Сивцев Ньургун “Куоскалар уонна саһыл” диэн айымньыны этэн, кыайыылаах аатын сүктэ. Улахан бөлөхтөргө 7- с кылаас үөрэнээччитэ, былырыыҥҥы улуустааҕы “Уоланнар уус-уран ааҕыылара” күрэххэ 3-с миэстэни ылбыт Дьяконов Егор, “Весна” диэн хоһоонунан кыайыылаҕынан таҕыста. Бу тэрээһин тапталлаах суруйааччыбыт Тимофей Сметанин хоһооннорун оҕолорго тиэрдэр, маны сэргэ, уол оҕону иитии, кинини үрдүк таһымҥа таһаарар сыаллаах ыытылынна. Хас биирдии кыттааччыга туоһу сурук, кыайыылаахтарга диплом уонна 6-с кылаас үөрэнээччитэ Парников Дима бэйэтэ маһынан оҥорбут кубоктарын туттардылар.

Пролистать наверх