Улуустаа5ы волейбол күрэҕэ

Олунньу 9 – 10 күннэригэр Кэбээйигэ бөһөүлэгэр нэһилиэктэр икки ардыларыгар волейболга улуустаагы турнир буолан ааста.

Күрэхтэһии аһыллыытыгар улууспут баһылыга Левин Иван Иванович тыл эттэ, кыайыыны, ситиһиини ба5арда. Барыта 6 нэһилиэктэн 126-тан тахса киһи кытынна. Оонньууга 4 кыргыттар, итиэннэ 10 уолаттар хамаандалара икки күн устата күөн көрүстүлэр . Маҥнайгы күн күрэхтэһии түмүгүнэн кыргыттар хамаандаларыгар кыайыыны Сангар хамаандата эрэллээхтик ситистэ, иккис миэстэ Кэбээйи, үһүс бочуоттаах миэстэни биһиги кыргыттарбыт хамаандалара ыыллылар. Биһиги хамаандабытыттан 10-с кылаас үөрэнээччитэ Степанова Ангелина «Лучший нападающий» номинацияны ылан грамотаннан “Золотник” ювелирнай фирматтан сертификатынан наҕараадаланна. Эр дьоннор күрэхтэһиилэрэ ордук тыҥааһыннаахтык ааста. Уолаттар икки күн устата күрэхтэһэн, бастакы бочуоттаах миэстэни Сиэгэн – Күөл хамаандата кыайыы өрөгөйүн биллэ, иккис миэстэ Кэбээйи , үһүс биһиги уолаттарбыт. Эр дьоннор хамаандаларыгар элбэх очкону агалбыт, кыайыыга дьулуспут оонньооччуларга өйдөбүнньүк бэлэх уонна номинация туттардылар. Биһиги хамаандабытыгар Тимофеев Гриша «Перспективный игрок» уонна Васильев Марк «Лучший нападающий» буоланнар, үөрүүлэрэ өссө үрдээтэ.

Маннык үрдүк таһымнаах тэрээһиннэр сылын аайы ыытыллаллара биһирэбиллээх, нэһилиэктэр хамаандалара бары кыттыбыттара буоллар ордук үчүгэй буолуо этэ.

Пролистать наверх