Ийэ тыл күнэ

Саха норуотугар биир улахан бырааһынньыган “Ийэ тыл, сурук-бичик күнэ” буолар. Саха оскуолата буоларбыт сиэринэн бу күнү үгэс быһыытынан сыл ахсын үрдүк таһымнаахтык тэрийэргэ кыһаллабыт. Быйыл бу буоларын оскуолабыт төрүт таҥас күнүнэн биллэриллибитэ. Тгоржественнай линейка кэмигэр оскуола оҕолоро саха тыл тылын туһунан киэҥник биллибит хоһооннору аахпыттара, 8-с кылаас үөрэнээчитэ Петрова Ксения бу күн историятыттан, саха алфавитын төрүттээбит Семен Новгородов туһунан кыратык билиһиннэрбитэ. Хас биирдии киһиэхэ саха маанылаах аһынан алаадьыннан күндһлээбиттэрэ, бу күн суолтатын өссө күүһүрдүбүтэ. Быйылгы сылга биһиги улууспутар буойун суруйааччы, прозаик, биир дойдулаахпыт Т.Е.Сметанин 100 сылыгар аналлаах сыл биллэриллибитин чэрчитинэн, кини айымньыларынан алын сүһүөх кылаас оҕолоругар уруһуй альбома, орто сүһүөхтэргэ “Тыл оонньуута” альбом уонна үрдүкү кылаастарга тылбаастааһын күрэҕэ, “Ийэ тыл” күнүгэр туһуланан биллэриллибитэ, кылаастар үлэлэрин туттарбыттара. Линейка үгэс быһыытынан оһуохайынан түмүктэммитэ. Бу линейка бэрт үрдүк таһымнаахтык ааста диэххэ сөп. Хас биирдии оҕоҕо сахатын тылыгар, норуотугар тапталы иҥэрии, сахабын дэнэр чиэстээх дьону иитэн таһаары сүрүн сыал биир үтүө түмүгэ бу.

Пролистать наверх