Ойуунускайга литературнай биэчэр.

Сэтинньи 23 күнүгэр сахалар бастыҥ суруйааччыбыт былатыан Ойуунускай төрөөбүтэ 125 сылыгар аналлаах литературнай биэчэр буолан ааста. Бу күнү литературнай круһуок салайааччыта Яковлева М.А., кыраайы үөрэтэр куруһуок салайааччыта Сивцева А.Л. уонна олохтоох библиотекарь Обутова М.И. иилээн – саҕалаан ыыппыттара. Ойуунускай олоҕуттан, биһиги оскуолабытыгар араас кэмҥэ үөрэнэ сылдьыбыт оҕолор чинчийбит, суруйбут үлэлэрэ уонна “Ойуунускай уонна Сииттэ нэһилиэгэ” диэн биир улахан үлэни билиһиннэрбиттэрэ. Үөрэнээччилэр суруйааччы хоһооннорун аахпыттара. Саха биир бастын уолун, талааннаах суруйааччы Былатыан Ойуунускай аатын, кини олорбут олоҕун, айымньыларын умнубаппыт, бу биһиги ытык иэспит буолары өрүү өйдүүбүт.

Пролистать наверх