«Мое село — село XXI века»

Эдэр ыччат көҕүлээһининэн оскуола оҕолоругар «Мин нэһилиэгим — XXI үйэ нэһилиэгэ» диэн бырайыак көмүскээһинигэр күрэх үрдүк таһымнаахтык тэриллэн ыытылынна. Уопсайа 9 бырайыак  көрүлүннэ. Ол курдук 3 кылаастар — спортивнай площадка, 4 кылаастар — администрация эргэ дьиэтин реконструкциялаан музей-библиотека, 5 кылаастар — Аллея выпускников, 6 кылаастар — Арчы дьиэтэ, 7 кылаастар — Ийэ сквера, 8 кылаастар — Экосвалка, 9 кылаастар — Арыылаах учаастагар балыксыттар базалара, 10 кылаастар — Нам улууһун уонна Сииттэ нэһилиэгин кыраныыссатыгар бэлиэ уонна 11 кылаастар — Ыһыахтыыр сир. Оголор күүскэ бэлэмнэммиттэр, бука бары сүрдээх үчүгэй макеттары оҥорон дьүүллүүр сүбэҕэ билиһиннэрдилэр. Түмүккэ кыайыылааҕынан 7 кылаастар буоллулар. 4, 5, 3 уонна 11 кылаастар анал бириэмийэлэри ыллылар. Маннык тэрээһиннэр оҕо өйө-санаата, дьоҕура сайдарыгар тирэх буолаллар, инникитин даҕаны тиһигин быспакка бу күрэҕи үгэс быһыытынан ыыта туруллуо.

Пролистать наверх